.

Sa giorronada est dedicada a bisitai un’atra realtadi de is cumpartus alimentaris e de sa laurera. Sa cantina de Dolianova. In custu casu puru, su biaxi permitit de sighiri diversas fasis de su traballu de su prodotu. Candu acabat sa bisita s’ant a cumbidai is binus chi rapresentant unu billetu de bisita bellu meda po sa bidda.
Chini ddu disigiat si podit acostai in unu de is agriturismus chi nci funt in sa zona chi donant sa possibilidadi de s’arristorai cun d-unu pràngiu de su logu. 
Is grupus chi bolint bisitai su logu si depint sinnai tempus innantis telefonendi a is nùmerus: 070 744101

Parcu artísticu “Sa Tanca” de Gianni Argiolas.
Su parcu s’agatat in s’Esu/Isca de sa folla, a faci de sa cantina sotziali de Dolianova a pagus km de sa bidda e a una cuindixina de Casteddu. Est stérria in ses etarus issa e nci funt 4000 opinus e atras vegetatzionis de màchia mediterranea comenti a ílixis, tzinnìbiris, murtas, e diferentis variedadis, su parcu tenit logus e cammineras po nci podi passillai e si stentai.

Su 18 de Ledàmini de su 2003 est stétia inaugurada sa prima scultura chi est dedicada a s’àcua: unu cuaddu cun is abas chi aterrat impari a Mosè chi bessit giai de is arrocas e una figura de fémina cun d-una marighedda. S’ópera est acotzada in d-unu carropeddu de 25000 litrus de àcua.
Est totu in d-unu muntoni de terra de 120 metrus cuadraus. Ddu podeus bisitai ponendisiri de acórdiu telefonendi a su 339 2900945 – 070572396. Unu logu adoru de su parcu iat a podiri éssiri imperau po si arristorai e po si pasiai.