Sa Seu de Santu Pantaleu

Sa Seu de Santu Pantaleu rapresentat unu esemplari únicu po s’architetura romànica sarda, poita issa est nàscia gràtzias a s’amesturu de medas contaminatzionis architetónicas e decorativas causadas de diferentis vicendas costrutivas. (gràtzias a motivus architetónicus e decorativus diferentis chi si funt amesturaus in su témpus)
Su fabbricau romànicu est postu apitzus de unu insediamentu costrutitvu de su períudu bizantinu chi ddoi fiat giai innantis e custu est testimongiau de su fatu chi ant agatau unu batistériu e atra arrogalla de elementus architetònicus.

Sa prima pesada est documentada a su 1170 gràtzias a unu scritu in su muru postu intramesu a su costau de bàsciu e a sa faciada.

In su 1261 ant torrau a pigai is trabballus chi funt acabbaus in su 1289 comenti documentant atrus scritus scolpius in is elementus architetónicus de su portali de susu e de sa figura de s’àbside chi arregordat sa cunsacratzioni de su témpiu cun sa preséntzia de su Giugi de Arborea Marianu II.

Pesau cun perda de arena de su logu e cun arrogus de materialeddu, s’edifítziu tenit s’àbside concas a mesudia e anca bessit su soli e ddu bit beni su bisitadori comenti brintat in su sagrau chi de pagu tempus est istétiu postu a postu. Aiuntrus nci funt bellas figuras in su logu innui ddoi est s’àbside, su traballu prus importanti est s’Arbor vitae (sa mata de sa vida) in sa navada de bàsciu, de su pintori piticu Simoni de is Gruxifissus, artisanu bolonniesu bíviu in sa prima mitadi de su ‘300.

Intramesu a is òperas chi si podint ispostai bireus su retablu bellu de su 1503, in sa parti manca de s’Arbor vitae ddoi est su dòpiu tríticu cun brillantis coloris, pintau a tèmperas in sa mesa, amostat scenas de sa vida e de su martíriu de Santu Pantaleu e una Madonna stimada.