SANTU BRAI

Su sagrau est cumpostu de sa pratza Venetu, de sa domu de su predi, de s’oratóriu e de su campanili chi fiat istétiu aciuntu in sa segunda mitadi de s’Otuxentus de su séculu passau candu s’Aministratzioni Cumunali de Sicci iat deliberau de ponniri unu arrellogiu púbbricu aintrus de sa bidda.

In su 1597 sa Crésia fiat mali posta. Intramesu su Cincuxentus e su Sexentus nascit s’edifítziu nou parrocchiali chi presentat una navada acostada de capellas a fiancu e cobertura de linna. S’afaciada a primítziu, a s’acabbu de su Góticu, fiat istètia torrada a fai in su 1782 cun stili moderau e deretu. Is únicas partis chi fiant abarradas funt: su rosoni, sa roseta, is capitellus e sa gruxi.