BIAXIS TURÍSTICUS

Cuintu biaxi: is atividadis po is olias

In Partiolla, zona agrícola a 20 km a nord est de Casteddu, sa coltivatzioni de s’olia tenit arrexinis antigas meda.
Sa preséntzia manna de custa mata nobili est sighia in dónnia manera fintzas a hoi e sa coltivatzioni cosa sua abarrat una de is printzipalis possibilidadis de rédditu de sa laurera in custa parti de sa Sardinna.
Sa bisita a sa Copar chi est una cooperativa innui diversas generatzionis si dedicant a sa produtzioni de ollu e a traballai is olias, est un’atra oportunidadi chi donat sa bidda.
Est possibili bisitai su locali innui nci funt is maistus chi narant is diferentis processus de traballu e ingunis si podint tastai is cosas. Is bisitas andant cuncordadas cun is dirigentis de sa cooperativa e duncas programmadas telefonendi a su nùmeru 070-741329

Nci stai bèni cun s’argumentu chi teneus sa bisita a su Museu de s’ollu. Su Museu est in sa Villa Boyl fata a sa fini de su 17° séculu. In is primus annus de su Noixentus de su séculu passau sa Villa fiat stétia comporada de su Notàiu Franciscu Locci chi, in prus de sa produtzioni de ollu de is olivàrius cosa sua, incumentzàt a molli s’olia de is atrus puru.
In bidda fiat connotu comenti a su Notàiu e aici est nàscia sa definitzioni de “Sa mola de su Notàiu” chi est abbarrada po medas annus po identificai su frantóiu de sa famíllia e in prus est stétia pigada po donai su nòmini a su Museu.
De su ‘900 s’atividadi est stétia sempri fata chentza de si firmai nudda aiuntrus de is localis innui hoi nc’est su Museu in su Biaxi Europa. Is grupus podint prenotai sa bisita a su nùmeru 070740651 o ponedisiri in cuntatu cun sa Pro Loco a su nùmeru 070741511